ना जेठालाल, ना असित मोदी; शैलेश लोढांच्या लेकीच्या लग्नात घरच्यांसारखा राबत होता बॉलिवूड हिरो!

स्वराचे पती शाश्वत हे सिंगापूरमध्ये एका नामांकित बँकिंग कंपनीत उच्च पदावर कार्यरत आहेत. या लग्नसोहळ्यातील एक अतिशय भावनिक आणि सुंदर व्हिडिओ सध्या सोशल मीडियावर सर्वांचे लक्ष वेधून घेत आहे, ज्यात बॉलीवूडचा हँडसम हंक विकी कौशल सर्वांचे मन जिंकताना दिसतोय.स्वरा आणि शाश्वत यांचा हा विवाह सोहळा राजस्थानमधील जोधपूर येथील ऐतिहासिक आणि जगप्रसिद्ध उम्मेद भवन पॅलेसमध्ये अत्यंत शाही पद्धतीने पार पडला. संपूर्ण लग्न पारंपरिक मारवाडी रीतिरिवाजांनुसार पार पडले. या शाही लग्नाला चित्रपटसृष्टी, साहित्य क्षेत्र आणि राजकीय जगतातील अनेक दिग्गज मंडळींनी हजेरी लावली होती. मात्र, या सगळ्यात आकर्षणाचा केंद्रबिंदू ठरला तो अभिनेता विकी कौशल.